منظرنامہ

بسم اللہ الرحمن الرحیم

“خواب دیکھنا اچھا لگتا ہے اور اس سے بھی زیادہ اچھا لگتا ہے جب اس خواب کو تعبیر کرنے کی کوشش کی جائے اور وہ تعبیر حاصل ہو جائے ، ہفتہ بلاگستان بھی ایک ایسا ہی خواب تھا جس کی تعبیر اس وقت اس ای بک کی صورت ہمارے سامنے ہے ۔ مجھے یہ ای بک پیش کرتے ہوئے بہت خوشی ہو رہی ہے ، خاص طور پر اس وجہ سے کہ ہفتہ بلاگستان کے کامیاب انعقاد میں تمام اہم بلاگرز کے حصہ لیا اور بہت سے نام اس کامیابی میں شامل رہے ۔ ہفتہ بلاگستان کی تجویز پیش کرنے کے بعد ہفتہ بلاگستان کے انعقاد کےحوالے سے آرا و گفتگو سے لے کر اس ای بک کی تیاری اور پیش کرنے کے مرحلہ تک بہت سے ناموں کی رہنمائی اور مدد شامل رہی ، میں آپ سب کا فردا فردا شکریہ ادا کرنا چاہوں گی ۔ ۔ ۔ ۔ ”

==============================
.

السلام علیکم

اچھا جناب بالآخر اپنی ذمہ داری سے سرخرو ہونے کا لمحہ آن پہنچا ہے اور آج ہفتہ بلاگستان کی ای بک کا اجرا ہو رہا ہے ۔ درج بالا اقتباس اس “دیباچہ” سے لیا گیا ہے جو ای بک میں شامل ہے ۔ ای بک میں ان تمام تحاریر کو شامل کیا گیا ہے جو “ہفتہ بلاگستان” میں پیش کی گئیں ۔ ان تمام تحاریر کو اب آپ یکجا مطالعہ کر سکیں گے ۔ علاوہ ازیں ای بک میں کچھ نیا بھی پڑھنے کو ملے گا :

مقدمہ از زیک
دیباچہ از سیدہ شگفتہ
ایک تاثراتی تحریر “جملہ معترضہ” از نایاب
ای بک سرورق : ریحان علی
ای بک تشکیل : نایاب
ہفتہ بلاگستان ای بک خطاطی : عمار ابن ضیا کے والد محترم
واٹر مارک : حمزہ ، نایاب
گراف (ہفتہ بلاگستان میں بلاگرز کی شرکت) : نایاب
جدول (ہفتہ بلاگستان میں بلاگرز کی شرکت) : نایاب

ہفتہ بلاگستان ای بک کی تیاری میں کئی ماہ کی مسلسل محنت ، رات رات بھر جاگنا ، کئی کئی گھنٹوں پر محیط طویل ڈسکشنز ، متعدد ڈرافٹس اور فائنل ڈرافٹ کا انتظار پسِ پردہ شامل ہیں ۔ اس تمام سلسلہ میں علمی و اخلاقی لحاظ سے بھی بہت کچھ سیکھنے کو موقع ملا ۔ ای بک تشکیل میں بہت سے ناموں کو متعدد و مختلف مواقع پر زحمت دینے کی ضرورت پیش آئی ۔ آپ سب کا مثبت ریسپانس تمام عرصہ میں ہمت و حوصلہ قائم رکھنے کا سبب بنا ۔ ہفتہ بلاگستان انعقاد اور ای بک تشکیل محض ایک ایونٹ ہی نہیں بلکہ ایک آغاز ہے ، اس آغاز کا پس منظر مختصر طور پر ای بک میں بھی ذکر کیا گیا ہے تاہم نکات کا احاطہ نہیں کیا گیا تاکہ آغاز کے بعد یہ سفر آگے کی جانب طے کیا جا سکے ۔ ہفتہ بلاگستان ای بک اجرا کے بعد ۔ ہفتہ بلاگستان ایوارڈز اجرا کا مرحلہ ہونا ہے اس حوالے سے جن محترم ناموں کی مدد اور رہنمائی حاصل رہی ان کا ذکر ایوارڈ اجرا کے موقع پر ۔ ایوارڈز اجرا کے بعد ایک سرپرائز مرحلہ بھی ہے اس مرحلہ کی تفصیل بعد میں ذکر کرنا ہے سرپرائز مرحلہ میں بھی کچھ محترم ناموں کی مدد اور رہنمائی حاصل رہے گی وہ نام کون سے ہوں گے ان کا ذکر بھی ابھی سرپرائز رہنے دیتے ہیں اور اس سے پہلے ایک نظر”ہفتہ بلاگستان ای بک” دیکھتے ہیں ۔

ای بک کی تشکیل کی ذمہ داری بنیادی طور پر جن دو ناموں نے اٹھائی دونوں ہی اس میدان سے متعلق نہیں ہیں لہذا ای بک میں اغلاط خارج از امکان نہیں ہیں ۔ ای بک کے حوالے سے آپ سب اپنی آرا و نظر پیش کر سکتے ہیں ، خوش آمدید ۔

اللہ تعالی کا احسان ہے کہ اس ذمہ داری کو انجام دینا ممکن ہو سکا .
آپ سب کا شکریہ

ای بک اس ربط سے ڈاؤنلوڈ کیجیے ۔
فائل سائز : KB 5882

السلام علیکم

اچھا جناب اللہ تعالی کا شکر ہے کہ انتظار ختم ہوا اور ہفتہ بلاگستان ای بک کا فائنل ڈرافٹ تیار ہو چکا ہے ۔ منظرنامہ ایوارڈز یافتگان کو ایک بار پھر مبارک باد پیش کرتے ہوئے اپنا سفر جاری رکھتے ہیں اور ہفتہ بلاگستان ای بک کے اجرا کے موقع پر “ہفتہ بلاگستان ایوارڈز” کا مرحلہ بھی اپنی تکمیل کو پہنچ جائے گا۔

“ہفتہ بلاگستان ایوارڈز” کی ووٹنگ کا اہم مرحلہ طے کیا جا چکا ہے تاہم اس مرحلہ میں نتائج کے مطابق دو کٹیگریز میں ووٹنگ ٹائی پر آ کر رکی تھی اور اب وقت ہے کہ اس ٹائی کا فیصلہ کر لیا جائے ۔ اس سلسلے میں ایک ٹائی بریکر فارم تشکیل دیا گیا ہے ۔ اس فارم میں دو کٹیگریز شامل ہیں۔ پہلی کٹیگری بعنوان “یوم بچپن” میں دو بلاگرز کی تحاریر پر ٹائی ہے جبکہ دوسری کٹیگری بعنوان “یوم مزاح” میں بلاگرز کی چار تحاریر پر ٹائی ہے ۔ آپ سب کو اس سلسلے میں دعوت ہے کہ آپ اپنے ووٹ سے ان دونوں کٹیگریز میں جداگانہ طور پر تمام تحاریر میں سے کسی ایک تحریر کو منتخب ہونے کے لیے فیصلہ کن کردار ادا کر سکتے ہیں ۔ یہ ووٹ فارم ریٹنگ طریقہ کار پر مشتمل ہے اور آپ سب کسی بھی کٹیگری میں موجود تمام تحاریر کو ریٹ کر سکتے ہیں ۔ ووٹ کاسٹ کرنے کے لیے آپ کو رجسٹریشن کی ضرورت نہیں ہے تاہم ایمیل لکھنا ضروری ہے ۔ ووٹ کاسٹ کرنے کی آخری تاریخ ماہ جنوری ۲۰۱۰ کے آخر تک ہے ۔

اپنا ووٹ کاسٹ کرنے کے لیے اس ربط پر کلک کیجیے ۔

آپ سب کا شکریہ

اپڈیٹ :

ووٹ کے دورانیہ کو بڑھا دیا گیا ہے .

منظرنامہ کے قارئین کو سلام
اللہ کے فضل و کرم سے منظرنامہ ایوارڈز 2009کا سلسلہ اپنے اختتام کو پہنچا۔ اس سلسلے کو ایوارڈز کے چناؤ سے لے کر نامزدگیوں اور پھر ووٹنگ تک کے مراحل سے گزارا گیا۔ تین ایوارڈز کا فیصلہ آپ سب کی مشاورت کے بعد کیا گیا اور پھر آپ سب کے تعاون سے ہی نامزدگیوں کا مرحلہ بھی بہت اچھے طریقے سے اپنے انجام کو پہنچا تھا۔ اس کے بعد ووٹنگ کا مرحلہ آپ سب کے تعاون سے شروع ہوا تھا اور اب بخیروعافیت اپنے انجام تک پہنچا گیا ہے۔ منظرنامہ کو آپ سب کے تعاون کے علاوہ ایوارڈز گرافکس کی تیاری کے لئے ابو شامل صاحب اور خاور بلال صاحب کا تعاون حاصل رہا اس کے علاوہ ووٹنگ کے لئے اردو لاگ اور اردو لاگ کے ایڈمن ابن سعید صاحب کا تعاون رہا۔
جیسا کہ آپ سب جانتے ہیں اس بار ووٹنگ کے لئے ریٹنگ کا طریقہ رکھا گیا تھا اس لئے جس نے سب سے زیادہ ستارے حاصل کئے ہیں وہی ایوارڈ کا حق دار ہے۔

منظرنامہ ایوارڈ 2009 کے نتائج کچھ یوں رہے

ٹوٹل 71 لوگ اردو لاگ پر رجسٹرڈ ہوئے. لیکن 60لوگوں نے ووٹنگ میں حصہ لیا۔

بہترین بلاگ کے لئے
ڈفر کو 195 ستارے، ابو شامل کو 178 ستارے اور راشد کامران کو 164 ستارے ملے۔
یوں منظرنامہ ایوارڈز 2009 کے سلسلے کا “بہترین بلاگ” ایوارڈ ڈفر کو جاتا ہے۔۔۔

ڈفر صاحب ایوارڈ گرافکس کو اپنے بلاگ پر لگانے کے لئے درج ذیل کوڈ کاپی کریں۔
<a href="http://www.manzarnamah.com/2010/01/awards09-result-and-release/"><img title="ManzarNamah Awards 2009 (Best Blog)" src="http://www.manzarnamah.com/wp-content/uploads/2010/01/manzarnamah-awards-2009-best-blog.jpg" alt="" /></a>

فعال ترین بلاگ کے لئے
افتخار اجمل کو 165 ستارے، عنیقہ ناز کو 112 ستارے اور میرا پاکستان کو 157 ستارے ملے۔
یوں منظرنامہ ایوارڈز 2009 کے سلسلے کا “فعال ترین بلاگ” ایوارڈ افتخار اجمل کو جاتا ہے۔۔۔

افتخار اجمل صاحب ایوارڈ گرافکس کو اپنے بلاگ پر لگانے کے لئے درج ذیل کوڈ کاپی کریں۔
<a href="http://www.manzarnamah.com/2010/01/awards09-result-and-release/"><img title="ManzarNamah Awards 2009 (Active Blog)" src="http://www.manzarnamah.com/wp-content/uploads/2010/01/manzarnamah-awards-2009-active-blog.jpg" alt="" /></a>

2009 کا بہترین نیا بلاگ کے لئے
خرم بشیر بھٹی کو 125 ستارے، جعفر کو 182 ستارے اور عنیقہ ناز کو 142 ستارے ملے۔
یوں منظرنامہ ایوارڈز 2009 کے سلسلے کا “بہترین نیا بلاگ” ایوارڈ جعفر کو جاتا ہے۔۔۔

جعفر صاحب ایوارڈ گرافکس کو اپنے بلاگ پر لگانے کے لئے درج ذیل کوڈ کاپی کریں۔
<a href="http://www.manzarnamah.com/2010/01/awards09-result-and-release/"><img title="ManzarNamah Awards 2009 (Best New Blog)" src="http://www.manzarnamah.com/wp-content/uploads/2010/01/manzarnamah-awards-2009-best-new-blog.jpg" alt="" /></a>

منظرنامہ ایوارڈز 2009 کے سلسلے کو بہتر طریقے سے انجام دینے کے لئے منظرنامہ ٹیم آپ سب کا تہہ دل سے شکریہ ادا کرتی ہے۔
تمام ایوارڈز حاصل کرنے والوں کو منظرنامہ ٹیم کی طرف سے بہت بہت مبارک ہو۔
ہم یعنی منظرنامہ کی پوری ٹیم امید کرتے ہیں کہ آئندہ بھی منظرنامہ کو آپ سب کا تعاون یونہی حاصل رہے گا اور آپ سب اردو بلاگنگ کی ترقی کے لئے کوشاں رہیں گے۔
شکریہ

السلام علیکم

آج سے نئے عیسوی سال کا آغآز ہو رہا ہے ، تمام منظرنامہ ٹیم کی جانب سے ہم سب نئے سال کو خوش آمدید کہتے ہیں اس امید کے ساتھ کہ نئے سال میں ہم اپنی انفرادی و اجتماعی زندگی میں اس قوت ، ہمت اور برداشت کا مظاہرہ کر سکیں گے جس کی ہمیں کما حقہ ضرورت ہے اورنہ صرف عمومی زندگی میں بلکہ انٹرنیٹ دنیا میں بھی رواداری و ذہنی ہم آہنگی کے ساتھ علمی و تحقیقی سطح پر کچھ نئے افق تلاش کر سکیں گے ۔ آئیے ہم سب مل کر نئے سال کو خوش آمدید کہیں ۔

منظرنامہ کے قارئین کو سلام
منظرنامہ ایوارڈ 2009 کی نامزدگیوں کے بعد اب ووٹنگ کا مرحلہ شروع ہو چکا ہے۔ ووٹنگ کو مکمل شفاف اور بہتر بنانے کے لئے اب کی بار منظرنامہ نے ایک ایسا نظام تیار کیا ہے جس میں صرف بلاگرز ہی ووٹ دے سکیں گے۔ اس کام کے لئے منظرنامہ اردو لاگ کے تعاون سے ایک بلاگرز لسٹ تیار کررہا ہے۔ جس کے لئے تمام بلاگرز سے گذارش ہے کہ وہ اردو لاگ پر اپنا بلاگ رجسٹر کروا دیں. جیسے جیسے بلاگرز اپنا بلاگ اردو لاگ پر رجسٹر کروا تے جائیں گے ویسے ویسے ان کے ای میل ایڈریس پر ایک لنک بھیج دیا جائے گا جس کے ذریعے وہ منظر نامہ ایوارڈ 2009 کے لئے ووٹ دے سکیں گے. اگر بلاگ رجسٹر کروانے کے بعد چوبیس گھنٹے کے اندر اندر ووٹ دینے والے لنک کی ای میل موصول نہ ہو تو منظرنامہ سے فوری رابطہ کریں۔ بلاگ رجسٹر کروانے کی آخری تاریخ 8 جنوری 2010 ہو گی اور ووٹ دینے کی آخری تاریخ 10 جنوری 2010 ہو گی. نتائج کا اعلان 11 جنوری 2010 کو کیا جائے گا.
بلاگ رجسٹر کروانے کا لنک
http://blogger.urdulog.com/register
شمولیت کے صفحہ پر اپنا نام، ای میل اور پاسورڈ داخل کرنے کےبعد “مجھے شامل کریں” پر کلک کرنے سے آپ اردو لاگ پر رجسٹر ہو جائیں گے اور نیا صفحہ سامنے آ جائے گا.جہاں آپ یاد سے اپنا بلاگ شامل کریں اور اگر ہو سکے تو دیگر معلومات کا بھی اندراج کریں.
اب کی بار ووٹنگ کے لئے ریٹنگ کا طریقہ اختیار کیا گیا ہے تاکہ اگر آپ کو تین بلاگرز میں سے کوئی کم اور کوئی زیادہ بہتر لگتا ہے تو اسی حساب سے ریٹنگ بھی کرتے جائیں۔ مزید معلومات آپ کو بھیجے جانے والے ای میل پیغام اور اس میں موجود لنک پر ملے گی کہ کس طرح ووٹ دینا ہے۔
شکریہ۔

اپ.ڈیٹ نمبر 1:
احباب کی تجاویز اور خواہشات کا احترام کرتے ہوئے ووٹ دینے کے لیے بلاگر ہونے کی شرط ختم کردی گئی ہے. اب صرف اردو لاگ پر رجسٹر ہونے کے بعد ہی ووٹ دیا جاسکتا ہے.

اپ.ڈیٹ نمبر 2:
ووٹنگ کے دورانیہ کو بڑھا دیا گیا ہے.

فروری 2009 میں ایک بلاگر نے اردو بلاگنگ میں قدم رکھا اور آتے ساتھ ہی اپنی شگفتہ تحاریر کی وجہ اردو بلاگنگ کی دنیا پر چھا گئے۔ آپ نے جب اردو بلاگنگ میں قد م رکھا تو پہلی ہی تحریر میں کچھ ایسے لکھا تھا کہ ”تو میرے پیارے بلاگو دوستو ۔۔۔ میں‌نے بھی اس حمام میں کپڑے اتارنے کا فیصلہ کر لیا ہے۔ بلاگ کے نام سے فکر مند نہ ہوں یہاں‌کوئی سنجیدہ بات نہیں‌ہوگی۔۔۔ کیونکہ اس پر پہلے ہی سب لگے ہوئے ہیں ”
جعفر اپنے بلاگ پر تو اپنا یا جانے کس کا حال دل بیان کرتے ہی ہیں، لیکن اس کے ساتھ ساتھ دل جلوں کے لئے مرہم کا انتظام بھی انہوں نے اپنے بلاگ پرکر رکھا ہے تو آئیے ان سے پوچھتے ہیں کہ اس میں کیا راز چھپا ہے۔

خوش آمدید جعفر۔

سب سے پہلے ہم آپ کے بارے میں کچھ جاننا چاہیں گے۔

- آپ کی جائے پیدائش اور حالیہ مقام کون سا ہے؟
@ فیصل آباد میں پیدا ہوا۔ اب متحدہ عرب امارات کی ریاست فجیرہ میں بسلسلہ شکم مقیم ہوں۔

- کچھ اپنی تعلیم اور خاندانی پس منظر کے بارے میں بتائیں؟
@ کیوں پوچھ کر شرمندہ کرتے ہیں۔ میری کس بات سے آپ کو شک ہوا کہ میں پڑھا لکھا ہوں؟ ویسے چند جماعتیں پاس ہوں جو دس سے کچھ زیادہ ہیں۔ والد کا کاروبار تھا، زور “تھا” پر ہے۔ چار بہنیں اور میرے سمیت دو بھائی ہیں۔

- آپ کی زندگی کا مقصد کیا ہے ،کوئی ایسی خواہش جس کی تکمیل چاہتے ہوں؟
@ زندگی کی ابھی تک سمجھ نہیں آئی، جس دن سمجھ آئی بس اس کے اگلے ہی دن آپ کو مقصد بھی ای میل کردوں گا، اور خواہشات کی کیا پوچھتے ہیں کہ چچا کہہ گئے تھے ڈیڑھ صدی قبل ہی کہ ہزاروں خواہشیں اور دم نکلے وغیرہ۔۔۔ مزید پڑھیں۔۔۔

السلام علیکم

یہ لیں جی یہ تو سخت مقابلہ ہو گیا ہے ٹائی پر آگئی ہیں کچھ تحریریں ، سوچا کہ اس دلچسپ صورتحال میں آپ سب کو بھی شریک کر لیا جائے . . .

ہفتہ بلاگستان سے متعلق ایک خصوصی ایوارڈ کی نامزدگیوں کے لیے ووٹنگ پچھلے دنوں ہوئی. جس کے نتائج حاضر ہیں. یاد رہے کہ یہ صرف نامزدگیاں ہوئی ہیں اور اس کے بعد فائنل ووٹنگ ہو گی. فائنل ووٹنگ کچھ اس طرح سے ہو نا تھی کہ ہفتہ بلاگستان کے ہر یوم کی جس تحریر کو سب سے زیادہ ووٹ ملتے وہ ایک تحریر فائنل ووٹنگ میں جاتی.

نتائج میں دو مختلف عنوانات ” یوم بچپن” اور “یوم مزاح” کی ایک سے زائد تحریروں پر ایک جیسی تعداد میں ووٹ آئے ہیں لہذا اب دو میں سے کسی ایک آپشن کو فائنل کرنا ہے ، ایک تو یہ کہ تمام تحریروں کو اسی طرح فائنل ووٹنگ میں شامل کر دیا جائے یا پھر دوسرا آپشن یہ ہے کہ ایک مرحلہ فائنل ووٹنگ سے قبل مزید ہو تاکہ ٹائی کا فیصلہ کیا جا سکے.ٹائی کا فیصلہ کرنے کے لیے ہمیں مزید ایک معتبر ووٹ کی ضرورت ہو گی. آپ سب کو اس سلسلے میں اظہار خیال کی دعوت ہے .

شکریہ
رزلٹ دیکھنے کے لیے سکرین شاٹ ملاحظہ کریں: مزید پڑھیں۔۔۔

سلسلہ شناسائی میں ہمارے آج کے مہمان بھی ہمیشہ کی طرح ایک اردو بلاگر ہیں۔ آپ نے اردو بلاگنگ کا آغاز 2008 میں کیا۔ بلاگ کا نام ہے ” صِلہ عُمر “ ۔ 2008 سے باقاعدہ بلاگنگ کر رہے ہیں اور ان کے بلاگ پر مختلف موضوعات پر پڑھنے کو ملتا رہتا ہے۔ اپنے مخصوص انداز اور بہترین تحاریر کی وجہ سے آپ کا شمار نئے بلاگرز میں نہیں کیا جا سکتا۔ تو آئیے عمر احمد بنگش ان کے بارے میں مزید جاننے کی کوشش کرتے ہیں

خوش آمدید عمر۔
شکریہ مارواء اور منظرنامہ ۔
سب سے پہلے ہم آپ کے بارے میں کچھ جاننا چاہیں گے۔
جی ضرور!۔

- آپ کی جائے پیدائش اور حالیہ مقام کون سا ہے؟
@ میرا آبائی قصبہ بالاکوٹ ہے، جبکہ ابھی میں مانسہر ہ میں رہائش پذیر ہوں۔
- کچھ اپنی تعلیم اور خاندانی پس منظر کے بارے میں بتائیں؟
@ دسویں، بارہویں اور پھر پانچ سالہ ” ڈاکٹر آف ویٹرنری میڈیسن” ڈگری کاحامل ہوں، چٹا ان پڑھ!!!۔
میرے والد ڈاکٹر تھے، ۱۹۹۶ میں وفات پائی، جبکہ ہم پانچ بھائی اور ایک ہی بہن ہے ہماری۔ بی بی جی بارے کچھ نہ کہوں گا، صرف یہ سمجھ لیجیے کہ محبت ہی محبت ہے۔
عام سا شخص ہوں، پہچان کے لیے بنگش قوم سے تعلق رکھتاہوں، اور یہاں ہمیں پہچاننے کے لیے سواتی بھی کہا جاتا ہے، کیوں کہ ہمارے آباؤاجداد کوہاٹ سے سوات اور پھر بالاکوٹ جا بسے۔ مزید پڑھیں۔۔۔

منظر نامہ کے قارئین کو سلام.

بات کچھ اس طرح سے ہے کہ میں یعنی ماوراء پاکستان جا رہی ہوں اور اس لیے منظر نامہ پر شاید فعال نہ رہ سکوں۔ اس عرصے کے لیے ہم نے منظرنامہ کی ذمہ داری  ایم بلال کو سونپ دی ہے. امید ہے بلال کو کسی قسم کی پریشانی کا سامنا نہیں کرنا پڑے گا اوران کو باقی تمام اردو بلاگرز کا بھی تعاون حاصل رہے گا. اس کے علاوہ عمار بھی یہیں ہیں، لیکن اپنی پڑھائی کی مصروفیت کی وجہ سے کم وقت نکال پا رہے ہیں. منظر نامہ کے حوالے سے کوئی بھی بات ہو تو آپ عمار سے بھی رابطہ کر سکتے ہیں.
منظر نامہ پر رجسٹر اراکین سے بھی درخواست ہے کہ وہ بھی منظر نامہ پر اپنی تحاریر لکھتے رہیں، تاکہ ان کی رکنیت اور منظر نامہ فعال رہے.
منظر نامہ پر لکھنے والوں سے درخواست ہے کہ اگر آپ کی تحریر زیادہ لمبی ہے تو پوسٹ کرتے ہوئےinsert more tag لگانا نہ بھولیں. اس کے علاوہ پوسٹ عنوان کے پرمالنک کو بھی ایڈیٹ کیجیے.

سکرین شاٹ دیکھیں:

مزید پڑھیں۔۔۔

پچھلی تحریر میں آپ سب کو منظر نامہ ایوارڈز کے لیے نامزدگیاں دینے کو کہا گیا تھا. منظر نامہ کو نو لوگوں کی طرف سے چھبیس بلاگرز کی نامزدگیاں موصول ہوئیں. جن کی ترتیب کچھ اس طرح سے بنتی ہے: مزید پڑھیں۔۔۔