خیر ابھی رات ہی اجتماعی بلاگنگ کے حوالے سے ایک عدد سافٹوئیر وکی بلاگ کا ذکر اردو محفل میں کیا ہے http://www.urduweb.org/mehfil/showthread.php?t=26012 . احباب اس کو بھی ایک نظر دیکھ لیں. شاید چوہے میں ابھی تھوڑی بہت جان باقی ہو جو پہاڑ کھودنے کے بعد نکلا ہے.

اگر میں اس ویک اینڈ پہ فرصت نکال سکا تو ماورہ بٹیا سے کہتا ہوں کہ وہ منظر نامہ پر میری اردوائی ہوئی ایک سادہ سی تھیم چڑھا کر دیکھیں. امید ہے کہ اس میں لے آؤٹ بگڑنے اور براؤزر انکمپیٹبلٹی جیسے مسائل نہیں ہونگے. کیوں کہ وہ تھیم جاوا اسکرپٹ فری ہے. یہ اور بات ہے کہ تبصرے کے لئے جاوا اسکرپٹ کا استعمال کرنا ہوگا. ویسے با وثوق ذرائع سے پتہ چلا ہے کہ منظر نامہ کے لئے تھیم پر کام ہو رہا ہے.

ہائپر لنکس کا ستیا ناس کرنے والا پلگ ان مجھے بھی پسند نہیں. اس لئے ایک عدد منفی ووٹ مجھ غیر بلاگر کی جانب سے بھی.

سعود صاحب کے ہندوستانی لہجے کی اردو نے تو خوب رس گھولا لیکن ساتھ ساتھ جن تیکنیکی معاملات کی طرف انہوں نے اشارہ کیا انہیں ہر بلاگر کو سوچنا اور سمجھنا چاہیے خاص کر منظرنامہ، اردو ماسٹر یا اسطرح کی دوسری کمیونٹی ویب سائٹس پر تیکنیکی مسائل نہیں ہونے چاہیے.. خاص کر منظرنامہ شاید فائر فاکس اور آئی ای کے علاوہ کسی دوسرے ڈیسک ٹاپ اور موبائل براؤزر میں پوری طرح نہیں کھل پاتی.

بی ٹی نے ایک بہت اہم مسئلے کی طرف نشاندہی کی کہ اردو بلاگرز وقت کے ساتھ ساتھ اپنی بنیادی تیکنیکی مہارت میں اضافہ نہیں کرتے اور ہر بار ایک ہی مسئلہ ان کی بلاگنگ میں رکاوٹ بنتا رہتا ہے جس کی طرف سب کو توجہ دینے کی ضرورت ہے کیونکہ ایک نان فار پرافٹ پراجیکٹ پر کل وقتی سپورٹ فراہم کرنا کسی طور ممکن نہیں.

دوسری بات جو ابوشامل صاحب نے اپنے تبصرے میں لکھی اور میں نے بھی اس پر زور دیا کہ پہلے سے موجود کمیونٹی فورمز کو منظم کیا جائے بجائے اس کے کہ اس جیسی کوئی دوسری سروس شروع کی جائے اور ایک گیٹ وے ویب سائٹ بنا کر اردو بلاگنگ کی تمام کمیونٹی ویب سائٹس کو لنک کردیا جائے.

منظرنامہ پر لکھنے والوں کی کمی کی شکایت بدستور برقرار ہے بلکہ اب تو منظرنامہ نے لکھنے کی دعوت دینا بھی قریب قریب بند کردی ہے. اگر ہفتہ بلاگستان کی طرز پر منظر نامہ پر تمام بلاگر وقت نکال کر لکھیں تو اردو میں اجتماعی بلاگنگ کا بنیادی خاکہ بھی وضع ہوسکے.

کافی چیزیں میرے ذہن میں تھیں اور انہیں میں نے بدتمیز اور قدیر رانا کے ساتھ مل کر عملی جامہ پہنایا تھا مگر کچھ غلطیوں اور رابطے کے فقدان کی وجہ سے کام کو روکنا پڑا.

اردو بلاگنگ کے حوالے سے میں نے بھی ایک پوسٹ لکھی جسے منظرنامہ کو ارسال کررہا ہوں.

ابن سعید کے تجویز کردہ ان تین موضوعات کے حوالے سے منظر نامہ کے پلیٹ فارم پر ضرور کام کیا جانا چاہیے.
اردو بلاگنگ سے متعلقہ عمومی سوالات
اردو بلاگ تھیمز کا ذخیرہ
اردو بلاگر کی میلنگ لسٹ