آپ یہاں ہیں
صفحہ اول > اردو بلاگنگ > بلاگ اسپاٹ اردو تھیم، میکس میگ

بلاگ اسپاٹ اردو تھیم، میکس میگ

اردو بلاگنگ کی دنیا میں اردو تھیم پر توجہ اگر حقیقت میں دیکھا جائے تو بہت کم دی گئی ہے۔ ابتدائی دور میں کافی تھیم کا انگریزی سے اردو میں ترجمہ بھی کیا گیا ہے لیکن وہ تھیم آج کے موجودہ دور کے مطابق کافی پرانی ہوچکی ہیں۔ اسی سلسلہ میں منظرنامہ کے ذریعے کوشش کی گئی ہے کہ موجودہ دور کے حساب سے انٹرنیٹ پر موجود ورڈپریس اور بلاگ اسپاٹ کی تھیم کو منظرنامہ پر جمع کیا جائے۔ اسی سلسلہ میں ورڈپریس کی ایک تھیم منظرنامہ پر پیش کردی گئی ہے اور آج بلاگ اسپاٹ کی ایک تھیم کو شامل کیا جارہا ہے۔ گوکہ یہ تھیم یا ٹیمپلیٹ 2013 کا ہے مگر موجودہ دور کے حساب سے ہے۔

خصوصیات:

یہ تھیم سادہ اور خوبصورت ہے جبکہ اس میں مصنف کے تعارف کے لیئے بھی ہر تحریر کے نیچے جگہ رکھی گئی ہے اس کے علاوہ اس تھیم میں اشتہارات دکھانے کے لیئے کافی جگہ موجود ہونے کے ساتھ ساتھ ڈراپ ڈاؤن فلوٹنگ مینو بھی شامل ہے۔

استعمال کا طریقہ کار :

اس ٹیمپلیٹ کو اپنے  بلاگ پر لگا نے کے بعد آپ کو چند تبدیلیاں کرنا ضروری ہیں جیسے مینو بار میں اپنے بلاگ کے مینو ( Menu ) شامل کرنا ، تازہ تحاریر کے ٹِکر ( Ticker ) میں اپنے بلاگ کی تازہ تحاریر کے عنوانات اور لنکس شامل کرنا ، مصنف کا تعارف شامل کرنا   وغیرہ۔

یہ سب کام کرنے کے طریقے درج ذیل ہیں ۔

مینو بار میں ترمیم:

مینو ( Menu ) میں اپنے بلاگ کے لنکس شامل کرنے کے لیئے ٹیمپلیٹ میں یہ لائن تلاش کریں ۔ تلاش کرنے کا طریقہ اپنے کی بورڈ سے CTRL + F دبائیں اور مطلوبہ جملہ پیسٹ کردیں ۔

 <div id='main-nav-wrapper'> 

جب آپ کو یہ لائن مل جائے تو اس لائن کے نیچے مینو کوڈموجود ہوگا   اس کوڈ  میں آپ ترمیم کرتے جائیں اور اپنے بلاگ کے صفحات یا زمرہ جات کے ربط پیسٹ کرتے جائیں ۔ جب آپ مکمل کرلیں گے تو اس کے بعد ایک اور اسی طرح کے مینو اسی مینو کوڈ کے نیچے ہوں گے ان میں بھی آپ اسی طرح ترمیم کریں جس طرح ان سے اوپر کے مینو  کوڈمیں کی تھی۔ اوپر جو مینو کوڈ   موجود ہے وہ کمپیوٹر کے لیئے ہے جبکہ اس سے نیچے جو مینو کوڈ ہے وہ موبائل یا دیگر ڈیوائسس کے لیئے ہے ۔ اس کے علاوہ ایک مزید مینو میں ترمیم کے لیئے یہ کوڈ تلاش کریں اور ترمیم کرتے جائیں ۔

 <div id='header-info'> 

تحاریر کے ٹِکر میں ترمیم:

تحاریر کے ٹِکر ( Ticker ) میں ترمیم کرنے کے لیئے ٹیمپلیٹ میں یہ لائن تلاش کریں ۔

 <div id='ticker'> 

مطلوبہ لائن کے مل جانے پر آپ اپنے بلاگ کی تحاریر کے عنوانات اور ان کے ربط شامل کرتے جائیں ۔

مصنف کے تعارف میں ترمیم:

اس ٹیمپلیٹ میں مصنف کا تعارف بھی شامل کیا گیا ہے جوکہ ہر تحریر کے نیچے نظر آتا ہے اس میں ترمیم کے لیئے اس لائن کو ٹیمپلیٹ میں تلاش کریں ۔

 <div id='author-desc'> 

اب اس کے نیچے مصنف کا مختصر تعارف شامل کریں ۔اور مصنف کی تصویر بدلنے کے لیئے یہ لائن تلاش کریں ۔

 <div id='author-image'> 

اس کے نیچے تصویر کا ایچ ٹی ایم ایل کوڈ ہوگا اس میں مصنف کی تصویر کا ربط src میں شامل کردیں ۔

سوشل بٹن میں ترمیم:

سوشل بٹن میں ترمیم کے لیئے ٹیمپلیٹ میں یہ تلاش کریں۔

 <div id='content-social'> 

اب آپ سوشل بٹنز میں ترامیم کرتے جائیں ۔
اس تھیم کا بلاگ اسپاٹ کے لیئے 2013 میں انگریزی سے اردو ترجمہ کیا گیا تھا۔ منظرنامہ کی کوشش ہو گی کہ ہر ہفتہ کم از کم 2 تھیم کو منظرنامہ میں شامل کیا جائے تاکہ نئے آنے والے بلاگرز کو اپنے بلاگ کے لیئے تھیم تلاش کرنے میں مشکلات کا سامنا نہ کرنا پڑے۔

تھیم ڈاؤنلوڈ کرنے کے لیئے یہاں کلک کریں۔

محمد بلال خان
محمد بلال خان کمپیوٹر سائنس کے طالب علم ہیں۔پیشے کے لحاظ سے ویب ڈویلپر ہیں۔ عام موضوعات کے علاوہ ٹیکنالوجی اور انٹرنیٹ سے متعلق سافٹ ویئر کے بارے میں بلاگ نامہ کے عنوان سے اردو بلاگ لکھتے ہیں۔ منظرنامہ انتظامیہ کا حصہ ہیں۔
http://www.mbilalkhan.pk/blog
اوپر