آپ یہاں ہیں
صفحہ اول > اردو بلاگنگ > ورڈ پریس اردو تھیم، نیلا گنبد

ورڈ پریس اردو تھیم، نیلا گنبد

ورڈ پریس پر بلاگ بنانے کے بعد سب سے پہلی چیز جو ایک بلاگر خواہ وہ انگریزی ہو یا اردو یہ سوچتا ہے کہ تھیم کونسی استعمال کی جائے۔ بلاگر خواہ پرانا لکھنے والا ہی کیوں نہ ہو یہ ضرورچاہتا ہے کہ اس کا بلاگ دلکش اور خوبصورت ہو اور قارین کو پڑھتے ہوئے سہولت بھی ہو۔ وہ لوگ جو تھیم ڈیزائیننگ سے واقف ہیں یا ترجمہ کر لیتے ہیں ان کے لئے یہ مشکل نہیں کہ کسی بھی انگریزی تھیم کو اردو میں ٹرانسفر کر کے استعمال کریں اور اپنے بلاگ کو خوبصورت بنائیں جبکہ وہ جو ان کاموں سے واقف نہیں صرف اس لئے بھی بلاگ بنانے سے بیٹھے رہ جاتے ہیں کہ ان کو اچھی تھیم میسر نہیں ہوتی۔

ہم نے بھی کسی زمانے میں جب بلاگ شروع کیا تو کچھ تھیمز کا ترجمہ کیا تھا جن پر اگر سچ کہیں تو اب تک سانپ بن کر بیٹھے ہوئے تھے۔ پھر فیس بک گروپ میں بات چیت کے دوران سوچا کہ جب میں خود استعمال نہیں کر رہا تو کسی اور کے کام آجائے گی اس لئے اس سلسلے کی پہلی اردو تھیم حاضر ہے۔ یہ ایک انگریزی تھیم کا ترجمہ ہے جسے اردو میں “نیلا گنبد” نام دیا گیا ہے۔ (میں نے)۔ اس تھیم میں مندرجہ ذیل خصوصیات موجود ہیں:۔

۔مکمل ریسپانسو لے آؤٹ ہے اس لئے یہ تھیم کمپیوٹر، موبائل یا ٹیبلٹ میں استعمال کی جا سکتی ہے

۔صفحہ اول پر پوسٹ کو مکمل یا ایک اقتباس کے طور پر دیکھایا جا سکتا ہے

۔جن پوسٹس کو آپ نمایاں کرنا چاہتے ہیں ان کو سلائیڈر یا ویسے ہی چار نمایاں پوسٹس کو صفحہ اول پر دکھا سکتے ہیں

۔متعدد رنگوں سے آراستہ کیا جا سکتا ہے، رنگ تبدیل کرنے کا آپشبن تھیم میں موجود ہے

۔وڈیو، گیلری، آڈیو وغیرہ کے لئے الگ پوسٹ کے فارمیٹ کی سہولت موجود ہے

اس کے علاوہ دوسرے آپشنز ہیں جن میں وجٹس ہیں جو کافی تعداد میں تھیم کے اپنے شامل ہیں۔ ایک نظر تھیم پر ڈالیں:۔

screenshot

اس سانچے کا بنیادی اردو ترجمہ مکمل ہے، پھر بھی کہیں کمی یا خامی ہو تو، تھیم کا نام عنوان میں لکھ کر یہاں مجھ سے رابطہ کیا جا سکتا ہے۔

ڈاؤن لوڈ کرنے کے لئے یہاں کلک کریں

اگلا سانچہ انشاءاللہ اگلے ہفتے پوسٹ کیا جائے گا۔

5 تبصرے:

Comments are closed.

اوپر