ہفتہ بلاگستان ای بک کے بعد ہفتہ بلاگستان ایوارڈز نتائج ۔ اللہ تعالی کی مدد سے ہفتہ بلاگستان ایوارڈز کے سلسلہ کو شکل دینا ممکن ہو سکا ۔ اس سلسلہ میں پہلے مرحلہ میں ووٹنگ کے نتائج دلچسپ رہے اور دو عنوانات “بچپن” اور “مزاح” پر ٹائی آ جانے کی وجہ سے ٹائی بریک مرحلہ کے لیے ووٹنگ ہوئی ۔
ہفتہ بلاگستان ایوارڈز ووٹنگ کے مراحل میں آپ سب کا تعاون حاصل رہا علاوہ ازیں ووٹنگ کے دو مراحل کی انجام دہی میں بالترتیب ماوراء اور سعود ابن سعید کی محنت پس پردہ موجود ہے ، ہفتہ بلاگستان ایوارڈز گرافکس فہیم اسلم نے ڈیزائن کیے ہیں اور ایوارڈز گرافکس کی تیاری میں سعود ابن سعید کا اہم تعاون حاصل رہا۔ ہفتہ بلاگستان ایوارڈز پہلے مرحلہ کے اور ٹائی بریک مرحلہ کے نتائج بالترتیب اس طرح رہے .

پہلا مرحلہ :
پہلے مرحلہ میں رزلٹ اسکرین شاٹ

اردو بلاگنگ : (کل ووٹ : ۲۲) منتخب تحریر : ڈفر اعظم کے بائیس نکات ( ۴ ووٹ)

باورچی خانہ : (کل ووٹ : ۲۲) منتخب تحریر : یوم باورچی خانہ ( ۵ ووٹ)

بچپن : (کل ووٹ : ۲۳)
ٹائی تحریر : ایک دلدوز واقعہ از جعفر ( ۳ ووٹ)
ٹائی تحریر : بچپن ہی پچپن از عمر احمد بنگش ( ۳ ووٹ)

تعلیم : (کل ووٹ : ۲۳) منتخب تحریر : تعلیمی نظام اور شگفتہ ( ۵ ووٹ)

ٹیگ : (کل ووٹ : ۲۲) منتخب تحریر : ٹیگو ٹیگ از جعفر ( ۵ ووٹ)

ٹیکنالوجی : (کل ووٹ : ۲۰) منتخب تحریر : سائبر احتیاط از راشد کامران ( ۱۰ ووٹ)

فوٹو گرافی : (کل ووٹ : ۲۲) منتخب تحریر : فوٹو گرافی از ماوراء ( ۵ ووٹ)

مزاح : (کل ووٹ : ۲۳)
ٹائی تحریر : کھلا خط بنام سہراب مرزا از جعفر ( ۴ ووٹ)

ٹائی تحریر : انا للہ و انا الیہ راجعون از سیدہ شگفتہ ( ۴ ووٹ)

ٹائی تحریر : اچانک بوڑھا از راشد کامران ( ۴ ووٹ)

ٹائی تحریر : لیلی کی ٹویٹ اور مجنوں کا بلاگ از راشد کامران ( ۴ ووٹ)

ٹائی بریک مرحلہ :

ہفتہ بلاگستان ایوارڈز کے ٹائی بریک مرحلہ کے لیے ریٹنگ کا طریقہ کار اختیار کیا گیا اس مرحلہ میں کل انتیس افراد نے ووٹ کاسٹ کیے اور نتائج درج ذیل رہے ۔

نتائج

بچپن :
منتخب تحریر : بچپن ہی پچپن از عمر احمد بنگش ( ۹۵ ستارے)

مزاح :
منتخب تحریر : انا للہ و انا الیہ راجعون از سیدہ شگفتہ ( ۹۲ ستارے)

ہفتہ بلاگستان ایوارڈز کے سلسلہ کا یہ آغاز تھا ، اس سلسلے میں آپ سب کا تعاون حاصل ہوا اس کے لیے آپ سب کا بہت شکریہ امید ہے کہ آئندہ اس سلسلہ کو بہتر بنانے میں آپ سب کا تعاون حاصل رہے گا. منظرنامہ ٹیم کی جانب سے آپ تمام ایوارڈز یافتگان کو آپ کی تحاریر منتخب کیے جانے پر بہت بہت مبارک ہو۔

اپڈیٹ: تمام ایوارڈز گرافکس دوسرے سرور پر اپلوڈ کردی گئی ہیں۔ ایوارڈ یافتگان یہ گرافکس اپنے بلاگ پر ظاہر کرسکتے ہیں۔

“خواب دیکھنا اچھا لگتا ہے اور اس سے بھی زیادہ اچھا لگتا ہے جب اس خواب کو تعبیر کرنے کی کوشش کی جائے اور وہ تعبیر حاصل ہو جائے ، ہفتہ بلاگستان بھی ایک ایسا ہی خواب تھا جس کی تعبیر اس وقت اس ای بک کی صورت ہمارے سامنے ہے ۔ مجھے یہ ای بک پیش کرتے ہوئے بہت خوشی ہو رہی ہے ، خاص طور پر اس وجہ سے کہ ہفتہ بلاگستان کے کامیاب انعقاد میں تمام اہم بلاگرز کے حصہ لیا اور بہت سے نام اس کامیابی میں شامل رہے ۔ ہفتہ بلاگستان کی تجویز پیش کرنے کے بعد ہفتہ بلاگستان کے انعقاد کےحوالے سے آرا و گفتگو سے لے کر اس ای بک کی تیاری اور پیش کرنے کے مرحلہ تک بہت سے ناموں کی رہنمائی اور مدد شامل رہی ، میں آپ سب کا فردا فردا شکریہ ادا کرنا چاہوں گی ۔ ۔ ۔ ۔ ”

==============================
.

السلام علیکم

اچھا جناب بالآخر اپنی ذمہ داری سے سرخرو ہونے کا لمحہ آن پہنچا ہے اور آج ہفتہ بلاگستان کی ای بک کا اجرا ہو رہا ہے ۔ درج بالا اقتباس اس “دیباچہ” سے لیا گیا ہے جو ای بک میں شامل ہے ۔ ای بک میں ان تمام تحاریر کو شامل کیا گیا ہے جو “ہفتہ بلاگستان” میں پیش کی گئیں ۔ ان تمام تحاریر کو اب آپ یکجا مطالعہ کر سکیں گے ۔ علاوہ ازیں ای بک میں کچھ نیا بھی پڑھنے کو ملے گا :

مقدمہ از زیک
دیباچہ از سیدہ شگفتہ
ایک تاثراتی تحریر “جملہ معترضہ” از نایاب
ای بک سرورق : ریحان علی
ای بک تشکیل : نایاب
ہفتہ بلاگستان ای بک خطاطی : عمار ابن ضیا کے والد محترم
واٹر مارک : حمزہ ، نایاب
گراف (ہفتہ بلاگستان میں بلاگرز کی شرکت) : نایاب
جدول (ہفتہ بلاگستان میں بلاگرز کی شرکت) : نایاب

ہفتہ بلاگستان ای بک کی تیاری میں کئی ماہ کی مسلسل محنت ، رات رات بھر جاگنا ، کئی کئی گھنٹوں پر محیط طویل ڈسکشنز ، متعدد ڈرافٹس اور فائنل ڈرافٹ کا انتظار پسِ پردہ شامل ہیں ۔ اس تمام سلسلہ میں علمی و اخلاقی لحاظ سے بھی بہت کچھ سیکھنے کو موقع ملا ۔ ای بک تشکیل میں بہت سے ناموں کو متعدد و مختلف مواقع پر زحمت دینے کی ضرورت پیش آئی ۔ آپ سب کا مثبت ریسپانس تمام عرصہ میں ہمت و حوصلہ قائم رکھنے کا سبب بنا ۔ ہفتہ بلاگستان انعقاد اور ای بک تشکیل محض ایک ایونٹ ہی نہیں بلکہ ایک آغاز ہے ، اس آغاز کا پس منظر مختصر طور پر ای بک میں بھی ذکر کیا گیا ہے تاہم نکات کا احاطہ نہیں کیا گیا تاکہ آغاز کے بعد یہ سفر آگے کی جانب طے کیا جا سکے ۔ ہفتہ بلاگستان ای بک اجرا کے بعد ۔ ہفتہ بلاگستان ایوارڈز اجرا کا مرحلہ ہونا ہے اس حوالے سے جن محترم ناموں کی مدد اور رہنمائی حاصل رہی ان کا ذکر ایوارڈ اجرا کے موقع پر ۔ ایوارڈز اجرا کے بعد ایک سرپرائز مرحلہ بھی ہے اس مرحلہ کی تفصیل بعد میں ذکر کرنا ہے سرپرائز مرحلہ میں بھی کچھ محترم ناموں کی مدد اور رہنمائی حاصل رہے گی وہ نام کون سے ہوں گے ان کا ذکر بھی ابھی سرپرائز رہنے دیتے ہیں اور اس سے پہلے ایک نظر”ہفتہ بلاگستان ای بک” دیکھتے ہیں ۔

ای بک کی تشکیل کی ذمہ داری بنیادی طور پر جن دو ناموں نے اٹھائی دونوں ہی اس میدان سے متعلق نہیں ہیں لہذا ای بک میں اغلاط خارج از امکان نہیں ہیں ۔ ای بک کے حوالے سے آپ سب اپنی آرا و نظر پیش کر سکتے ہیں ، خوش آمدید ۔

اللہ تعالی کا احسان ہے کہ اس ذمہ داری کو انجام دینا ممکن ہو سکا .
آپ سب کا شکریہ

ای بک اس ربط سے ڈاؤنلوڈ کیجیے ۔
فائل سائز : KB 5882

اچھا جناب اللہ تعالی کا شکر ہے کہ انتظار ختم ہوا اور ہفتہ بلاگستان ای بک کا فائنل ڈرافٹ تیار ہو چکا ہے ۔ منظرنامہ ایوارڈز یافتگان کو ایک بار پھر مبارک باد پیش کرتے ہوئے اپنا سفر جاری رکھتے ہیں اور ہفتہ بلاگستان ای بک کے اجرا کے موقع پر “ہفتہ بلاگستان ایوارڈز” کا مرحلہ بھی اپنی تکمیل کو پہنچ جائے گا۔

“ہفتہ بلاگستان ایوارڈز” کی ووٹنگ کا اہم مرحلہ طے کیا جا چکا ہے تاہم اس مرحلہ میں نتائج کے مطابق دو کٹیگریز میں ووٹنگ ٹائی پر آ کر رکی تھی اور اب وقت ہے کہ اس ٹائی کا فیصلہ کر لیا جائے ۔ اس سلسلے میں ایک ٹائی بریکر فارم تشکیل دیا گیا ہے ۔ اس فارم میں دو کٹیگریز شامل ہیں۔ پہلی کٹیگری بعنوان “یوم بچپن” میں دو بلاگرز کی تحاریر پر ٹائی ہے جبکہ دوسری کٹیگری بعنوان “یوم مزاح” میں بلاگرز کی چار تحاریر پر ٹائی ہے ۔ آپ سب کو اس سلسلے میں دعوت ہے کہ آپ اپنے ووٹ سے ان دونوں کٹیگریز میں جداگانہ طور پر تمام تحاریر میں سے کسی ایک تحریر کو منتخب ہونے کے لیے فیصلہ کن کردار ادا کر سکتے ہیں ۔ یہ ووٹ فارم ریٹنگ طریقہ کار پر مشتمل ہے اور آپ سب کسی بھی کٹیگری میں موجود تمام تحاریر کو ریٹ کر سکتے ہیں ۔ ووٹ کاسٹ کرنے کے لیے آپ کو رجسٹریشن کی ضرورت نہیں ہے تاہم ایمیل لکھنا ضروری ہے ۔ ووٹ کاسٹ کرنے کی آخری تاریخ ماہ جنوری ۲۰۱۰ کے آخر تک ہے ۔

اپنا ووٹ کاسٹ کرنے کے لیے اس ربط پر کلک کیجیے ۔

آپ سب کا شکریہ

اپڈیٹ :

ووٹ کے دورانیہ کو بڑھا دیا گیا ہے .

یہ لیں جی یہ تو سخت مقابلہ ہو گیا ہے ٹائی پر آگئی ہیں کچھ تحریریں ، سوچا کہ اس دلچسپ صورتحال میں آپ سب کو بھی شریک کر لیا جائے . . .

ہفتہ بلاگستان سے متعلق ایک خصوصی ایوارڈ کی نامزدگیوں کے لیے ووٹنگ پچھلے دنوں ہوئی. جس کے نتائج حاضر ہیں. یاد رہے کہ یہ صرف نامزدگیاں ہوئی ہیں اور اس کے بعد فائنل ووٹنگ ہو گی. فائنل ووٹنگ کچھ اس طرح سے ہو نا تھی کہ ہفتہ بلاگستان کے ہر یوم کی جس تحریر کو سب سے زیادہ ووٹ ملتے وہ ایک تحریر فائنل ووٹنگ میں جاتی.

نتائج میں دو مختلف عنوانات ” یوم بچپن” اور “یوم مزاح” کی ایک سے زائد تحریروں پر ایک جیسی تعداد میں ووٹ آئے ہیں لہذا اب دو میں سے کسی ایک آپشن کو فائنل کرنا ہے ، ایک تو یہ کہ تمام تحریروں کو اسی طرح فائنل ووٹنگ میں شامل کر دیا جائے یا پھر دوسرا آپشن یہ ہے کہ ایک مرحلہ فائنل ووٹنگ سے قبل مزید ہو تاکہ ٹائی کا فیصلہ کیا جا سکے.ٹائی کا فیصلہ کرنے کے لیے ہمیں مزید ایک معتبر ووٹ کی ضرورت ہو گی. آپ سب کو اس سلسلے میں اظہار خیال کی دعوت ہے .

شکریہ
رزلٹ دیکھنے کے لیے سکرین شاٹ ملاحظہ کریں:

اس کے علاوہ اگر کسی غلطی کا احساس ہو تو ہمیں آگاہ کریں۔

ووٹ ڈالنے کے لیے اس لنک پر کلک کریں۔ اور ووٹ دینے کی آخری تاریخ 6 نومبر ہے۔

ہفتہ بلاگستان کی تحاریر:

1- بچپن

1. بچپن کی آزاد دنیا از افتخار اجمل بھوپال

2. یوم پچپن از بدتمیز

3. یوم بچپن از بلو بلا

4. ایک دلدوز واقعہ از جعفر

5. بچپن کا یاد گار واقعہ از حجاب

6. میرا بچپن از حمزہ

7. بچپن از خاور کھوکھر

8. عبد الاحد ، امام عالم اور میں از خرم شہزاد خرم (نوائے ادب)

9. یوم پچپن از رضوان نور (سراب)

10. یومِ بچپن از زکریا اجمل

11. بچپن نامہ ، ایک واقعہ از ساجد اقبال ۔ ۔ ۔ دائرہ

12. میرا بچپن ، ایک یاد از سعدیہ سحر

13. یوم بچپن از شگفتہ

14. میرا بچپن از شاکر عزیز

15. میرے بچپن کے دن از شاہدہ اکرم

16. بچپن میں پچپن از عمر احمد بنگش

17. میرے بچپن کے دن از عنیقہ ناز

18. یوم بچپن از لفنگا

19. بچپن از ماورا

20. بچپن کے دن از محمد خرم بشیر بھٹی

21. یاد رفتہ از محمد خرم بشیر بھٹی

22. یوم بچپن از میرا پاکستان

23. میرے بچپن کے دن از نازیہ ۔ ۔ ۔ بھولے بادشاہ

24. جل گیا برنال لگائیے از ڈفر

25. یاد ماضی عذاب ہے یارو از کامران اصغر(کنفیوز کامی)

26. میرے پرائمری اسکول کے دن از یاسر عمران مرزا

27. ہفتہ بلاگستان از یہ لوگ

2- تعلیم

1. بلاگستان کا جشن تعلیم از افتخار اجمل بھوپال

2. یوم تعلیم : ہفتہ بلاگستان کی عام تحریر از بدتمیز

3. نظام تعلیم : دے دھنادھن از جعفر

4. میرا مدرسہ از جہانزیب

5. یومِ تعلیم از حجاب

6. خاور کی ادبی سرگرمیاں از خاور کھوکھر

7. پڑھے لکھے ان پڑھ از خرم شہزاد خرم

8. تعلیم بالغاں ۔ ۔ ۔ ہفتہ بلاگستاں کی خصوصی تحریر از راشد کامران

9. تعلیم ۔ ۔ ۔ ہفتہ بلاگستان از رضوان نور

10. میرا اسکول ، میری تعلیم ، منفرد یاد از ریحان علی

11. یوم تعلیم از زکریا

12. تعلیمی نظام اور شگفتہ از سیدہ شگفتہ

13. تعلیم ؟ از شاکر عزیز

14. تعلیم تعلیم اور بس تعلیم از شاہدہ اکرم

15. نالائق از عمار ابن ضیا

16. کون سی تعلیم از عنیقہ ناز

17. نالائق بھانڈا ، رونی بھیڑ از لفنگا

18. یوم تعلیم از ماورا

19. ایک سادہ سی نظم برائے یوم تعلیم از محمد احمد

20. نظام تعلیم از محمد خرم بشیر بھٹی

21. یوم تعلیم از میرا پاکستان

22. ایک دونی دونی ، ٹو ٹو زا فور از ڈفر

23. تعلیم ، طالبان ، حکومت از کامران اصغر

24. پرائیویٹ اداروں میں ہائیر ایجوکیشن از یاسر عمران مرزا

25.یکساں نظام تعلیم از یہ لوگ

3- اردو بلاگنگ

1. اردو بلاگنگ از بدتمیز

2. اردو بلاگ از تانیہ رحمان

3. بلاگ شلاگ از جعفر

4. کچھ بلاگ کے بارے میں از حجاب

5. بلاگنگ کیا ہے از خاور کھوکھر

6. اردو بلاگنگ ۔ ۔ ۔ ہفتہ بلاگستاں کی خصوصی تحریر از راشد کامران

7. پاکستان میں بلاگ اور اردو بلاگ از ریحان علی

8. اردو بلاگنگ از زکریا

9. بلاگ کی دنیا اور ہم از سعدیہ سحر

10. اردو ایوارڈ : یوم اردو بلاگنگ کے موقع پر ایک تجویز از سیدہ شگفتہ

11. اردو بلاگنگ از شاکر عزیز

12. دنیائے بلاگ اردو از شاہدہ اکرم

13. بلاگنگ اور مرغبانی از عمر احمد بنگش

14. اردو بلاگنگ ، ہفتہ بلاگستان از فہیم

15. ہائے بلاگستان از محب علوی

16. اردو بلاگنگ از میرا پاکستان

17. ڈفر اعظم کے بائس نکات از ڈفر

18. اردو بلاگنگ از کامران اصغر

19. اردو اور اردو بلاگنگ از یاسر عمران مرزا

4- باورچی خانہ

1. اصلی والی ترکیب از جعفر

2. یوم کچن از حجاب

3. کچن کارنر از خاور کھوکھر

4. کھانا گھر از راشد کامران

5. یومِ باورچی خانہ از زکریا

6. آج کے دن کی نسبت سے از سیدہ شگفتہ

7. باورچی خانہ از سیدہ شگفتہ

8. کچن : پالک پراٹھا لال مرچ چٹنی کے ساتھ از سیدہ شگفتہ

9. کچن کچن از شاکر عزیز

10. یوم باورچی خانہ از شاہدہ اکرم

11. باورچی خانے میں احتیاط از عمر احمد بنگش

12. کچھ پکائیں از عنیقہ ناز

13. یوم کچن از ماورا

14. یوم پکوان از محمد خرم بشیر بھٹی

15. ذخیرہ اندوز میٹھا قیمہ از میرا پاکستان

16. بمباسٹک چاول از نازیہ

17. کنفیوز کامی ، کنفیوز باورچی از کامران اصغر

18. فروٹ چاٹ کے ساتھ طبع آزمائی از یاسر عمران مرزا

5- مزاح

• کھلا خط بنام سہراب مرزا از جعفر

• یوم مزاح از حجاب

• لیلیٰ کی ٹویٹ ، مجنوں کا بلاگ از راشد کامران

• اچانک بوڑھا از راشد کامران

• یوم مزاح : انا للہ و انا الیہ راجعون از سیدہ شگفتہ

• یوم مزاح از شاہدہ اکرم

• ہفتہ بلاگستان : ہاہاہاہاہا از بے فضول غفران

• اسے فرصت نہیں ملتی از محمد احمد

• یوم مزاح از میرا پاکستان

• بتاتے ہوئے شرم آتی ہے از ڈفر

• یوم مزاح ، لوڈشیڈنگ از کامران اصغر کنفیوز کامی

• دیارِ غیر میں شوہر کو بیوی کا خط از یاسر عمران مرزا

• ہفتہ بلاگستان از یہ لوگ

6- فوٹو گرافی

• یوم ٹیگ و یوم عکس بندی از راشد کامران

• اٹلی : روم اور وینس از زکریا

• یوم فوٹو گرافی از سیدہ شگفتہ

• یوم فوٹو گرافی از شاہدہ اکرم

• یوم فوٹو گرافی از عنیقہ ناز

• یوم فوٹو گرافی از ماورا

• کچھ تصاویر ادھر ادھر سے از محمد خرم بشیر بھٹی

• فوٹو گرافی از میرا پاکستان

• یوم فوٹو گرافی از کامران اصغر

• گلاب کا پھول از یاسر عمران مرزا

7- ٹیگ

• ہفتہ بلاگستان ٹیگ از ابو شامل

• ٹیگو ٹیگ از جعفر

• ہفتہ بے لاگ ستان ؛ ٹیگ از خاور کھوکھر

• یوم ٹیگ و یوم عکس بندی از راشد کامران

• یوم ٹیگ سوالات از سیدہ شگفتہ

• ٹیگ ہی ٹیگ از شاہدہ اکرم

• ٹیگنا جعفر کا از عمر احمد بنگش

• یوم ٹیگ از عنیقہ ناز

• بے فضول غفران ٹیگ : سیانے کہتے ہیں از غفران

• یوم ٹیگ از ماورا

• ٹیگ ہی ٹیگ از محمد خرم بشیر بھٹی

• یوم ٹیگ از میرا پاکستان

• سلسلہ عالیہ ٹیگ بندی از منیر عباسی

• یوم ٹیگ از کامران اصغر

• یوم ٹیگ از یاسر عمران مرزا

8- ٹیکنالوجی

• سائبر احتیاط از راشد کامران

• اومک ورڈ پریس تھیم از ریحان علی

• اردو بلاگرز کے لیے اسٹار سٹرک تھیم از ریحان علی

• یوم ٹیکنالوجی از زکریا اجمل

• یوم ٹیکنالوجی : پہلی تحریر از سیدہ شگفتہ

• یوم ٹیکنالوجی ، دوسری تحریر ۔ خلیج از سیدہ شگفتہ

• یوم ٹیکنالوجی از ماورا

• اردو بلاگرز کے لیے ضابطہ اخلاق از منیر عباسی

• یوم ٹیکنالوجی ۔ ۔ ۔ گرین گریپس ورڈ پریس ڈھانچہ از یاسر عمران مرزا

ایک فوری اپڈیٹ

درج ذیل فہرست مین وہ نام ہیں جن کی تحریریں ای بک میں شامل کی جا چکی ہیں اگر اس فہرست میں کوئی نام شامل نہ ہو تو اس کی نشاندہی کر دیں ۔

شکریہ

بلاگرز جنہوں نے ہفتہ بلاگستان میں شرکت کی:

افتخار اجمل بھوپال
بدتمیز
بلو بلا
تانیہ رحمان
جعفر
جہانزیب اشرف
حجاب
حمزہ
خاور کھوکھر
خرم شہزاد خرم
راشد کامران
رضوان نور
ریحان علی
زکریا
ساجد اقبال
سعدیہ سحر
سیدہ شگفتہ
شاکر عزیز
شاہدہ اکرم
عمار ابن ضیا
عمر احمد بنگش
عنیقہ ناز
غفران
فہیم
لفنگا
ماوراء
محب علوی
محمد احمد
محمد خرم بشیر بھٹی
میرا پاکستان
نازیہ
ڈفر
کامران اصغر
یاسر عمران مرزا
یہ لوگ

اچھا جناب ایک اپڈیٹ پوسٹ اختتامی تقریب کے حوالے سے چند مزید اہم نکات کے ساتھ ۔

ہفتہ بلاگستان ایوارڈ :

ہفتہ بلاگستان میں آپ تمام بلاگرز کی بھرپور شرکت کے اعتراف کے طور پر ایک خصوصی ایوارڈ مختص کیا جا رہا ہے ۔ اس سلسلے میں تمام اردو دنیا کو دعوت ہے کہ آپ ہفتہ بلاگستان میں شامل تحاریر کو ووٹ کر سکیں اور منتخب تحریر یا تحاریر کے تخلیق نگار کو یہ ایوارڈ پیش کیا جائے ۔

اس سلسلے میں آپ سب یہاں اپنی رائے کا اظہار بھی کر سکتے ہیں کہ آیا ہر ایک یوم سے متعلق تحاریر کے لیے الگ الگ ایوارڈ مختص کیا جائے یعنی سات مختلف عنوانات کو جدا ایوارڈ دیا جائے یا ہفتہ بلاگستان میں شریک تمام بلاگرز کی تمام تحاریر میں سے صرف ایک تحریر منتخب کی جائے ؟

ہفتہ بلاگستان ای بک سر ورق :

ہفتہ بلاگستان کی ای بک تشکیل کا کافی کام ہو چکا ہے اس کے لیے ایک اچھا سا سرورق بھی چاہیے ۔ ہماری انٹرنیٹ کی دنیا میں بہت سے نام تخلیق نگاری میں دلچسپی رکھتے ہیں ، اگر آپ ہفتہ بلاگستان کی ای بک کے لیے سرورق تخلیق کرنا چاہیں تو آپ کو اس کے لیے دعوت ہے ۔ سرورق ڈیزائن کرنے کے لیے اٹھائیس اکتوبر ، ۲۰۰۹ تک کا وقت ہے ۔

سرورق کے لیے رابطہ :
shagufta[at]manzarnamah.com

ہفتہ بلاگستان ای بک میں اگر ڈرافٹ شامل کروانا چاہیں :

اگر کوئی بلاگر ہفتہ بلاگستان میں اپنا کوئی ڈرافٹ شامل کرنا چاہیں جو ہفتہ بلاگستان میں اپنے بلاگ پر پوسٹ کرنے سے رہ گیا ہو تو اپنا ڈرافٹ ای بک میں شامل کروا سکتے ہیں آپ اپنا ڈرافٹ درج ذیل ایمیل پر بھیج سکتے ہیں یا اپنے بلاگ پر شایع کر سکتے ہیں ۔

shagufta[at]manzarnamah.com

اختتامی تقریب کے موقع پر :

خصوصی تحریر

اگر آپ اختتامی تقریب کے موقع پر کوئی خصوصی تحریر سنجیدہ یا مزاحیہ پیش کرنا تو آپ کو اس سلسلے مین دعوت ہے بلاگ پر پیش کرنے کے لیے۔

اہم اعلان

اختتامی تقریب کے موقع پر ایک یا زائد اہم اعلانات متوقع ہیں ۔ اگر آپ اردو انٹرنیٹ دنیا کے حوالے سے یا بالخصوص بلاگ دنیا کے حوالے سے ذاتی طور پر یا ٹیم ورک کی صورت میں کوئی پروگرام یا کوشش و کاوش پلان کرنا چاہیں ، شیئر کرنا چاہیں تو یہ ایک اہم موقع ہو گا بلاگ دنیا سے رابطہ کا ۔

آپ تمام بلاگرز سے درخواست ہے کہ آپ رابطہ کے لیے اپنے ایمیل آئی ڈیز فراہم کر دیں تاکہ مختلف امور کے سلسلے میں آپ کو بر وقت آگاہ کیا جا سکے۔

سلسلہ حمد و نعت :

اختتامی تقریب کے موقع پر ایک سلسلہ بعنوان “حمد و نعت” بھی شامل ہے ۔ اس سلسلے میں آپ تمام بلاگرز کو دعوت ہے کہ آپ اپنے بلاگ پر ایک یا زائد حمد خدا اور نعت رسول صلی اللہ علیہ وآلہ وسلم پیش کر سکتے ہیں ۔ حمدیہ و نعتیہ کلام آپ کی ذاتی تخلیق بھی ہوسکتی ہے یا منتخب و پسندیدہ کلام کے طور پر بھی پیش کر سکتے ہیں ، کلام کو تحریری صورت میں پیش کرنا ضروری ہو گا تاہم اگر چاہیں تو تحریر کے ساتھ متعلقہ کلام کی آڈیو یا وڈیو بھی پیش کی جا سکتی ہے ۔

ہفتہ بلاگستان اختتامی تقریب کی ای بک :

تجویز ہے کہ اختتامی تقریب کی ای بک بھی اسی موقع پر بلا فصل تشکیل دی جا سکے اس سلسلے میں آپ تمام ماہرین جو ای بک تشکیل میں دلچسپی رکھتے ہوں آپ سب کو اس بات کی بھی دعوت ہے کہ اختتامی تقریب کی ای بک تشکیل دیں ۔

گذشتہ پوسٹ سے چند امور کے سلسلے میں یاد دہانی :

• ای بک میں تصاویر شامل کرنے کے لیے گذشتہ پوسٹ میں بلاگرز سے درخواست کی گئی ہے اس سلسلے میں ایک بار پھر یاد دہانی کروائی جا رہی ہے ۔

• گذشتہ پوسٹ میں بلاگرز کے تعارف کے لیے بھی ذکر ہوا ہے اس سلسلے میں بھی یاد دہانی کروائی جا رہی ہے ۔

• ریویو کے سلسلے میں مزید نام سامنے نہیں آئے سو ایک یاد دہانی اس سلسلے میں بھی ۔

• اگر آپ نے نیا بلاگ بنایا ہو اور اپنا بلاگ متعارف کروانا چاہیں تو اختتامی تقریب کے موقع پر اپنے بلاگ کو متعارف کروا سکتے ہیں ۔

• خرم شہزاد خرم نے بلاگرز کو انٹرویو کے لیے دعوت دی ہے اس سلسلے میں آپ کا ریسپانس حوصلہ افزائی کا کام کرے گا ۔ آپ چاہیں تو تمام سوالات کی بجائے چند سوالات منتخب کر سکتے ہیں ۔

آپ سب کا بہت شکریہ

رابطہ :

mail[at]manzarnamah.com

shagufta[at]manzarnamah.com

اچھا جناب ، ماہ شوال کا نصف دورانیہ گذر چکا ہے اور اب ہفتہ بلاگستان کا آخری مرحلہ یعنی اختتامی تقریب ۔ اس سلسلے میں پس پردہ کچھ تیاریاں کی جا چکی ہیں اور مزید جاری ہیں  اختتامی تقریب کی تاریخ تیس  اکتوبر، ۲۰۰۹ ہو گی ۔  اختتامی تقریب کا  پروگرام پوسٹ کیا جائے گا تاہم  پروگرام  پوسٹ کرنے سے قبل کچھ چیزوں کو حتمی شکل دینا ہے ۔

ہفتہ بلاگستان میں شامل تحاریر پر مشتمل ای بک:

گذشتہ پوسٹ میں ہفتہ بلاگستان میں شامل تحاریر پر مشتمل ای بک کی تجویز پیش کی تھی ای بک کی تشکیل کے سلسلے میں آپ سب اگر کوئی تجویز تیکنیکی حوالے سے یا کسی بھی دیگر زاویہ سے  رائے دینا چاہیں تو خوش آمدید ! اسی ذیل میں چند سوالات :

ای بک کا عنوان ؟

ای بک فارمیٹ اگر تجویز کرنا چاہیں ؟

تمام تحاریر کو ایک ہی فائل کی شکل جمع کیا جائے یا ایک سے زائد فائلز میں ؟

(یہ سوال فائل سائز کے پس منظر میں ہے۔)

ای بک کی تشکیل کی ذمہ داری اردو محفل فورم اور اردو لائبریری ٹیم کے ایک محترم رکن  نے قبول کی ہے ۔ اگر دیگر افراد  یا آپ بلاگرز بھی ای بک کی تشکیل میں دلچسپی رکھتے ہوں تو خوش آمدید ، ایسی صورت میں ماورا کی تجویز ہے کہ ای بک میکنگ کا مقابلہ رکھا جانا چاہیے ۔

ای بک میں تصاویر شامل کرنا :

دوسری اہم بات یہ کہ آپ تمام بلاگرز جنہوں نے ہفتہ بلاگستان میں شامل تحاریر میں یومِ فوٹو گرافی کے حوالے سے تصاویر پیش کی ہیں ان تصاویر کو بھی ای بک میں شامل کرنے کا خیال ہے تاہم اس خیال پر عمل درآمد سے پہلے آپ سب کی اجازت درکار ہے،  کیا آپ کی جانب سے پیش کی گئی

تمام تصاویر ای بک میں شامل کی جاسکتی ہیں ؟

تمام نہیں بلکہ چند تصاویر شامل کی جا سکتی ہیں ؟ کون سی چند تصاویر ؟

تمام نہیں بلکہ صرف کوئی ایک نمائندہ  تصویر شامل کی جا سکتی ہے ، کونسی ایک ؟

کوئی تصویر شامل نہ کی جائے ؟

آپ سب سے درخواست ہے کہ اس بارے میں اپنی رائے سے آگاہ کر دیں ۔ آپ اپنی جانب سے تصاویر شامل کرنے  کی تصدیق یا تردید یہاں اسی بلاگ پوسٹ کے تبصرہ کی شکل میں کر سکتے ہیں یا منظرنامہ کے ایمیل پر مطلع کر سکتے ہیں:

mail[at]manzarnamah.com

علاوہ ازیں  آپ درج ذیل دو افراد کو بھی  آگاہ کر سکتے ہیں :

ماوراء
mail[at]manzarnamah.com
سیدہ شگفتہ
shagufta[at]manzarnamah.com

ہفتہ بلاگستان میں شریک بلاگزر کا تعارف :

ہفتہ بلاگستان ای بک میں شامل  آپ کی تحاریر کے ساتھ آپ کا  ایک مختصر تعارف  بھی شامل کیا جائے گا اس سلسلے میں آپ تمام بلاگرز کو  اپنے بلاگ کے حوالے سے اپنا ایک مختصر تعارف تحریر کرنے کے لیے دعوت ہے ۔  آپ اپنا تعارف

shagufta[at]manzarnamah.com

پر بھیج سکتے ہیں یا اس سلسلے میں سیدہ شگفتہ سے رابطہ کر سکتے ہیں ۔

نئے اردو بلاگز کا تعارف :

اگر آپ نے اپنا نیا بلاگ تشکیل دیا ہے اور اپنا بلاگ متعارف کرنا چاہیں تو ہفتہ بلاگستان کی اختتامی تقریب کے موقع پر آپ اپنے بلاگ کا تعارف پیش کر سکتے ہیں ۔ اس سلسلے میں آپ اپنے بلاگ کا ربط اور اگر چاہیں تو مختصر تعارف لکھ منظر نامہ کو ایمیل کر دیں تاکہ اسے پروگرام میں شامل کیا جا سکے ۔ علاوہ ازیں آپ اس سلسلے میں ماورا سے رابطہ کر سکتے ہیں ۔

ہفتہ بلاگستان ریویو :

اختتامی تقریب کا ایک اہم ترین جزو ہفتہ بلاگستان ریویو ہے ۔ اس سلسلے میں پہلے یہ تجویز تھی کہ کوئی ایک بلاگر تمام تحاریر پر ریویو پیش کریں تاہم  ہفتہ بلاگستان میں شامل تحاریر کی تعداد اور متنوع عنوانات کے پیش نظر آپ تمام بلاگرز کو ریویو کے لیے دعوت ہے ۔ اس کا طریق کار اس طرح سے  ہے کہ درج ذیل مختلف کٹیگریز پر مختلف بلاگرز ریویو لکھیں :

ہفتہ بلاگستان : یوم بچپن

ہفتہ بلاگستان : یوم تعلیم

ہفتہ بلاگستان : یوم بلاگنگ

ہفتہ بلاگستان : یوم باورچی خانہ

ہفتہ بلاگستان : یوم مزاح

ہفتہ بلاگستان یوم ٹیگ

ہفتہ بلاگستان : یوم فوٹو گرافی

ہفتہ بلاگستان : یوم ٹیکنا لوجی

اگر آپ کسی ایک یا زائد کٹیگریز پر ریویو پیش کرنا چاہیں تو اپنا نام پیش کر دیں ۔

بلاگرز کو ٹائٹل :

اگر آپ بلاگ دنیا میں مختلف بلاگزر کو ٹائٹل دینا چاہیں تو اس کے لیے آپ کو دعوت ہے ۔

بلاگرز عید ملن :

کیا  کراچی اور چوٹی کے بلاگرز  اپنی اپنی عید ملن کا احوال شیئر کرنا چاہیں گے اس موقع پر یا منٹس آف دا میٹنگ ؟

اگر آپ اختتامی تقریب کے موقع پر کوئی خصوصی تحریر مزاح یا سنجیدہ انداز میں پیش کرنا چاہیں تو خوش آمدید ۔ اگر اختتامی تقریب کے انعقاد کے حوالے سے کوئی سوال یا تجویز  آپ کے ذہن میں ہو تو یہاں تحریر کر دیں ۔

اگر آپ اختتامی تقریب کے انعقاد و  انتظامی امور کے حوالے سے کوئی ایک یا زائد ذمہ داری انجام دے سکیں تو خوش آمدید ۔

شکریہ

اپڈیٹ: ماورا سے رابطہ کرنے کے لیے آپ منظر نامہ کے ای میل ایڈریس پر ہی میل بھیج سکتے ہیں۔ جبکہ شگفتہ سے رابطہ کرنے کا ای میل ایڈریس یہ ہے: shagufta[at]manzarnamah.com
اس کے علاوہ جو بلاگرز اپنا تعارف بھیجیں وہ شگفتہ کے ای میل ایڈریس پر بھیجیں۔

اس بار پوسٹ منظر نامہ پر ۔  اچھا جناب ہفتہ بلاگستان تو ہو گیا اب اس کی اختتامی تقریب رہ گئی ہے تو یہ بھی ہو جائے۔  ہفتہ بلاگستان کی تجویز بنیادی طور پر میرے ذہن میں اردو لائبریری بلاگ کے باقاعدہ اجرا و آغاز کے حوالے سے آئی تھی اور جب اسے پلان کیا تو بلاگ دنیا کے حوالے سے بہت سی دوسری تجاویز بھی ذہن میں آتی چلی گئیں تو پھر اس کا دائرہ کار بڑھا لیا ۔  آپ سب نے اس سلسلے کو نہ صرف پسند کیا بلکہ بھر پور  اور دلچسپ  انداز میں سب نے شرکت بھی کی اس سے بہت زیادہ خوشی ملی ۔  اس سلسلے میں ایک ریویو بھی پیش کرنا ہے اسی پس منظر میں ایک دو چیزیں :

آپ تمام بلاگرز جنہیں ترتیب میں آخری دنوں میں ہفتہ بلاگستان میں شریک ہونے کا موقع نہیں مل سکا یا اپنی ذاتی مصروفیات ، بجلی ، انٹرنیٹ کی دستیابی عدم دستیابی کے مسائل کے سبب سے بلاگ پر پوسٹ نہ کر سکے ہوں تو آپ آئندہ چند ایک دن میں اپنی تحریریں پوسٹ کر سکتے ہیں اپنے بلاگ پر ،  ایسی تحریروں کو بھی ریویو میں شامل کیا جا سکے گا۔

اس ٹیگ پوسٹ میں تمام بلاگ دنیا کو بیک وقت ٹیگ کر دیا گیا تھا تاکہ تمام بلاگرز ٹیگ سلسلہ میں بلا تاخیر شریک ہو سکیں ، آپ تمام بلاگرز جو ٹیگ سلسلہ میں شامل نہ ہوئے ہوں اور شامل ہونا چاہتے ہوں اپنے ٹیگ جوابات اپنے بلاگ پر پوسٹ کر سکتے دیں ۔

اور اب اختتامی تقریب کے حوالے سے کچھ بات ، اس تقریب میں کیا کچھ شامل کیا جا سکتا ہے اس بارے میں تجاویز کے لیے آپ سب کو دعوت شرکت ہے ، میں فی الحال چند اپنی جانب سے پیش کر رہی ہوں :

•    ہفتہ بلاگستان ریویو
•    ہفتہ بلاگستان میں شامل  تحاریر کی ای بک
•    ہفتہ بلاگستان کے شرکا کو ٹائٹل
•    ہفتہ بلاگستان میں شریک بلاگرز کا تعارف
•    نئے اردو بلاگز کا تعارف

آپ تمام بلاگرز جو ہفتہ بلاگستان میں شامل رہے اگر اختتامی تقریب کے حوالے سے کچھ لکھنا چاہیں یا کسی بھی منفرد انداز میں اختتامی تقریب میں شریک ہونا چاہیں تو ضرور کچھ منفرد کام کر ڈالیں ۔

ہفتہ بلاگستان میں مجھ پر کیا گذری ۔ ۔ ۔ اس حوالے سے اگر آپ کوئی سنجیدہ یا دلچسپ بات شیئر کرنا چاہیں تو کر سکتے ہیں جیسا کہ زکریا بھائی کو اپنے  کانوں سے محروم ہونا پڑا۔

یہ اختتامی تقریب کب منعقد کی جائے اس بارے میں بھی اگر آپ اپنی رائے کا اظہار کرنا چاہیں تو کر سکتے ہیں ۔ عید سے کتنے دن پہلے یا عید کے کتنے دن بعد ؟ (یہاں عید سے مراد وہ عید جو پاکستان میں منائی جائے گی۔)

آپ سب کا بہت شکریہ

پہلے دن کا آغاز 15 اگست سے ہوا.

1- یوم بچپن (15 تا 16 اگست)

15 اور 16 اگست کو اردو بلاگرز “یومِ بچپن” منائیں گے. یہ مکمل طور آپ پر منحصر کرتا ہے کہ آپ اس دن کو کیسے مناتے ہیں. آپ اپنے بچپن کی تصاویر پوسٹ کر کے یا اپنے بچپن کا کوئی یادگار واقعہ ہم سب کے ساتھ شئیر کر سکتے ہیں.

دوسرا دن یوم ٹیگ تھا، لیکن میرا خیال ہے اسے تقریباً آخر میں رکھتے ہیں، جب تک کوئی اس کے سوال بنا لے گا. اس لیے اب دوسرا دن “یومِ تعلیم” مناتے ہیں.

2- یومِ تعلیم (17 تا 18 اگست)

یعنی اسکول ، کالج ، یونیورسٹی یا اردگرد سے تعلیمی حوالے سے کوئی سی بھی عام سی بات ، خیال یا منفرد یاد اپنے بلاگ پر شیئر کر سکتے ہیں اور اگر یوم تعلیم کو مکمل سنجیدہ شکل دینا چاہیں تو تعلیم کے حوالے سے کوئی موضوع رکھا جا سکتا ہے جس پر سب لکھیں ۔ موضوع میں آپ “اپنے ملک کے تعلیمی نظام” پر بھی لکھ سکتے ہیں یا پھر “تعلیمی نظام کو بہتر بنانے کی تجاویز” پر بھی لکھا جا سکتا ہے.

3. اردو بلاگنگ (19 تا 20 اگست)

تیسرے دن ہم اردو بلاگنگ کے حوالے سے دن رکھ سکتے ہیں. اردو بلاگ دنیا کو آپس میں مربوط کرنے کے لیے ڈسکشن ڈے رکھنا چاہیے اردو بلاگ دنیا کے مسائل کو فوکس کیا جائے۔ ۔ ۔ تمام بلاگ دنیا کا بہتر باہمی رابطہ ۔ ۔ ۔ کیا اردو بلاگ دنیا کو کسی ضابطہ اخلاق کی ضرورت ہے ؟ اردو بلاگنگ سے متعلق آپ کچھ بھی لکھنا چاہیں تو اپنے بلاگ پر لکھ سکتے ہیں.

4- یومِ باورچی خانہ (21 تا 22 اگست)

سب بلاگرز کو کھانے پینے سے کچھ زیادہ ہی دلچسپی ہے تو سب بلاگرز کوئی سی بھی ایک ڈش خود بنائیں اور اس کی ترکیب اور تصویر شیئر کریں بلاگ پر۔ ۔ ۔ اور یہ بھی بتا سکتے ہیں کہ اس ڈش کو چکھنے اور کھانے والوں پر کیا کچھ بیت گئی یا اس کے علاوہ کچن سے متعلق کوئی بھی واقعہ.

5. یومِ مزاح (23 تا 24 اگست)

اس دن بلاگرز کوئی مزاحیہ تحریر اپنے بلاگ پر لکھیں گے.

6. یومِ ٹیگ (25 تا 26 اگست)

بلاگرز سے شناسائی سے متعلق ایک مختصر سا سوال نامہ ہو اور بلاگرز ایک دوسرے کو اس دن ٹیگ کریں. (اگر کوئی ٹیگ سوال نامہ بنائے تو وہی اس دن اپنے بلاگ سے اس کا آغاز کر دے.)

7. یومِ فوٹو گرافی (27 تا 28 اگست).

اس دن فوٹوگرافی کا کوئی تھیم بھی بلاگرز کو دیا جا سکتا ہے. یا پھر آپ کے ذہن میں جو بھی تھیم آئے، اس سے متعلقہ تصاویر اپنے بلاگ پر پوسٹ کر دیں

8- یومِ ٹیکنالوجی (29 تا 31 اگست)

29 تا 31 اگست کو ہم یومِ ٹیکنالوجی بھی منایا جا سکتا ہے. یعنی ماہر لوگ نئے آنے والے بلاگرز کے لیے تکنیکی مدد کے لیے مواد اپنے بلاگ پر پوسٹ کریں. تھیمز اردوا کر پیش کرنا، یا ایک بلاگ کو کیسے سیٹ اپ کیا جاتا ہے…جیسے موضوعات آپ اپنے بلاگ پر لکھ سکتے ہیں. یا اگر آپ پہلے سے کوئی ایسا ٹیوٹوریل لکھ چکے ہیں تو انھیں ایک نئی پوسٹ میں ایک بار پھر سے اپڈیٹ کر دیں، تاکہ نئے آنے والوں کو علم ہو سکے.

اس کے علاوہ ہفتہ بلاگستان کے آغاز پر فیس بک پر منظر نامہ کا صفحہ بنایا گیا ہے. آپ سب کو اس میں شرکت کی دعوت دی جاتی ہے، تاکہ آپ ہفتہ بلاگستان سے متعلق اپڈیٹس کے بارے میں باخبر رہ سکیں. فیس بک پر منظر نامہ کے صفحے پر شامل ہونے کے لیے یہاں کلک کریں.